In plaas van ’n opgekoude potlood in ’n papiersakkie, gaan ’n Graad-1 kindjie nou met ’n skooltas en nuwe moed 2022 binne.
Solidariteit Helpende Hand Mpumalanga- en-Kwa-Zulu Natal Noordstreek se jaarlikse tassiepak het op Saterdag 4 Desember plaasgevind en talle hande was daar om te help.
Daar is meer as 200 tassies gepak vir hierdie streek en die kinders vir wie die tassies geoormerk is, gaan met nuwe moed en ’n glinster in die oog hul skoolloopbaan afskop.
Hierdie skooltas bevat onder andere, potlode, ’n liniaal, skerpmaker, uitveër en so ook ’n nuwe pennesakkie.
Daar is vanjaar ook ’n Christelike storieboek genaamd: ‘Die wit rokkie’ hierin verpak.
Die aansoekproses vir hierdie tassie is aanlyn vir skole beskikbaar by www.tassie.co.za gedurende ’n tydgleuf elke jaar en daar word deur middel van ’n keuringsproses, tassies aan kinders toegeken wie dit nie anders kan bekostig nie.
Dankie vir elke vrywilliger wie se hande reggestaan het met die verpakking, elke vrywilliger betrokke by die aflewering van hierdie tassies aan spesifieke skole en ook elke donateur wat hierdie moontlik maak vir die afgelope 14 jaar.
Op ’n nasionale vlak kan Solidariteit Helpende Hand vanjaar vir 2 000 kinders met ’n skooltas toerus.
Vir meer inligting rakend hierdie projek of enige ander Helpende Hand projekte, kontak vir Melissa Nel by 072 660 7345 of Annemarie van Heerden by annemarie@helpendehand.co.za.
LEES MEER
Deel jou nuuswenke met ons via:
Telefoon: 013 656 2490
WhatsApp: 060 866 8682
Epos: wtbnews@mweb.co.za
Of volg ons op WITBANK NUUS se sosiale platforms:
