Die jong rugbyster, Kevin van Vollenstee (13) is gekies om in Nederland te gaan deelneem aan die sewes toernooi.

Die rugbyster se familie het op Saterdag, 18 November ’n gholfdag gehou by Witbank Gholfklub om fondse in te samel om die flank se droom te bewaarheid.

Besighede en vriende het die setperk aangepak vir die IPS-formaat en ‘shotgun start’ afslaan.

Gaatjies kon ook geborg word teen R2 000 en elkeen kon 18 gaatjies speel.

Daar was ook stalletjies opgeslaan wat heerlike worsbroodjies, lekker souse en verskillende groentesoorte verkoop het.

Kevin se ouers, Annelize en Trevor van Vollenstee het seker gemaak dat die dag glad verloop en bedank almal wat hulle kom ondersteun het op die warm oggend.

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

· Vir meer brekende- en gemeenskapsnuus, besoek gerus ons webtuiste: www.witbanknews.co.za

· Jy kan ons ook volg op sosiale media platforms: Facebook Twitter of Instagram