Inwoners van eMalahleni kan ’n sug van verligting slaak – die groot aartappel-apokalips van 2024 is verby.

Jy hoef nie meer te huil oor ‘wedges’ wat jou beursie dreineer of aartappelslaai opoffer vir verbeeldinglose pastaslaai nie.

Die winter se swartryp het boere in Limpopo paniekbevange gelaat – hul aartappels is letterlik deur die ryp gebraai.

In Augustus was dit aangekondig dat ons heerlike aartappels se prys met 15% gaan styg, wat styselliefhebbers laat kwyl het vir hul geliefde braai met ’n aartappelslaai.

Winter het gekom en gegaan en die Limpopo boere oes nou aartappels asof dit uit die mode uit gaan.

Jy kan dus weer jou gunsteling kapokaartappels, krakerige gebakte aartappels en ‘slap chips’ met sout-en-asyn vir jou gesin voorsit, maar teen ’n billike prys.

“Die pryse van aartappels het al kwaai gesak vanaf 7 Oktober af,” het Hanlie Koch van die Witbank Subtropico Varsproduktemark gesê.

Gesondheid uit die grond uit – lank lewe die veelsydige, nederige aartappel!

Deel jou lekkerste aartappelgereg met ons.

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter, Instagram

HET JY GEWEET?

Kliek op die woorde wat in kleur uitgelig is om meer te lees oor verwante temas.