Die motorfietslegende, Charles Slabbert (59) het die stryd teen kanker verloor.

Charles is vanoggend in die vroeë  oggendure by sy huis oorlede.

“Net voor middernag het ek gehoor Charles begin hoes. Sy bors het nie lekker geklink nie. Ek het hom regop laat sit en gemaklik gemaak. Ek en my kinders het op die bed by hom gesit en geweet ons neem afskeid. Hy het diep in my oë  gekyk en ek het hom vertel hoe baie lief ek hom het. Hy is net daarna oorlede,” het sy vrou, Driena gesê.

Sy het gesê haar hart is in stukke.

“Ek weet nie hoe om sonder Charles aan te gaan nie.”

Charles het die afgelope vier jaar teen kanker bakklei.

Ondanks die siekte, die nagevolge van die chemoterapie en bestraling het Charles se oë altyd opgeflikker wanneer hy oor sy passie op twee wiele gesels het.

“Ek wil nog net eenkeer ‘wheelie’,” het hy onlangs nog laggend gesê.

Het jy ’n storie om te vertel van Charles?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter, Instagram of TikTok

HET JY GEWEET?

Kliek op die woorde wat in kleur uitgelig is om meer te lees oor verwante temas.