Lumardt Pienaar is weer in die hospitaal.

Dié keer baklei die fietsryer teen infeksie nadat hy op 17 Januarie met sy fiets in Dullstroom geval het.

Hy is per ambulans na Middelburg Life Hospitaal toe geneem en daar is vasgestel dat hy sy knie erg beseer het.

Intussen het hy infeksie opgedoen en dit is in sy bloedstroom.

Lumardt is baie siek en dokters probeer hard om die infeksie te beveg.

Hy is tans in die intensiewesorgeenheid.

“Bid asseblief vir my kind,”het sy ma, Raylene gepleit.

Fietsryer verlede jaar van sy fiets afgestamp

Lumardt het verlede jaar baie seergekry toe hy by Saveways Crescent deur ’n motoris van sy fiets afgestamp is.

Kranige bergfietsryer in hospitaal na kar hom stamp
Lees meer hier: https://t.co/YpDkWctvFu#Witbanknews #emalahleni #Sport #Nuus

— WitbankNews (@WitbankN) November 5, 2024

Hy was besig met ‘n oefenrit nadat hy die vorige naweek tweede in die Alzu Tour de Farm geëindig toe die kar hom in die winkelsentrum se parkeerarea gestamp het.

Die nadraai van die insident was dat die jong man epileptiese aanvalle begin kry het. Dokters het dit onder beheer gery en die fietsryer se speke het kort daarna weer begin sing terwyl hy kliphard geoefen het.

Lumardt se ouers is baie teleurgesteld in die polisie se ondersoek omdat die verdagte van die tref en trap nog nie gearresteer is nie.

“Die polisie het laat weet dat die dossier weg is en daarom is daar nog niks aan die ondersoek gedoen nie,” het Raylene gesê.

Die klagte is onder die polisie se aandag gebring.

LEES MEER HIER

Fietsryer raakgery – bestuurder van bakkie jaag weg

Lumardt is by die huis

Het jy ’n storie om te vertel?

Stuur vir ons ’n epos na info@witbanknews.co.za of bel ons by 013 656 2490

• Vir meer brekende- en gemeenskapsnuus, besoek gerus ons webtuiste.
• Jy kan ons ook volg op sosiale media platforms: Facebook, Twitter of Instagram

HET JY GEWEET?

Kliek op die woorde wat in kleur uitgelig is om meer te lees oor verwante temas.