Japie slaan kolhou tydens seehengelklub se gholfdag
Wanneer die seehengelaars hul visstokke bêre en op die gholfbaan toesak, is daar altyd pret en plesier.
Koning Makriel Seehengelklub (KMSK) se gholfdag het aan Japie Kleynhans behoort.
Dié kranige golfspeler het ’n kolhou op die 16de putjie, wat ’n syfer drie putjie is, aangeteken.
KMSK se gholfdag op 28 Februarie was ’n wegholsukses gewees.
Altesaam 126 spelers het deelgeneem.
Die verste dryfhou (183m) is deur Leonard Clark geslaan.
Naaste aan die pen op die agtste putjie is deur Nardus van den Berg opgeraap.
Die wenners vir die dag was Darius Klaassen, Ferdi Prinsloo en Desmond McLallen.
Martin van Schalkwyk, Gerhard Kachelhoffer, Marina van Schalkwyk en Meghan Kachelhoffer het tweede geëindig en Wimpie van Niekerk, TJ Furstenberg, Jaco Smal en Jacques van der Merwe derde.
Ruan van der Merwe van KMSK het al die borge bedank wat die dag moontlik gemaak het. Hulle het ook die spelers wat hulle ondersteun het bedank asook Witbank Gholfklub vir hul reëlings en gasvryheid.
WITBANK NUUS se #Gatvol golfdag vind op 21 Maart plaas. Word deel van die #Gatvol-inisiatief wat die dienslewering in Emalahleni ’n kolskoot slaan.
Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za
