eMalahleni pastoor kritiek na ongeluk
Pastoor Anita van Kraayenburg is in die intensiewesorgeenheid in Pretoria Oos Hospitaal.
Die nuus dat pastore Peet en Anita van Kraayenburg en Morné Slabbert in ’n ernstige motorongeluk betrokke was, het die gemeenskap in skok gedompel.
Die ongeluk het op 29 September sowat 13km buite Bronkhorstspruit plaasgevind.
Volgens Hein van Kraayenburg, hul seun, het Peet en Morné slegs erge kneusings in die ongeluk opgedoen.
Hulle sterk by die huis aan.
Anita wat agter in die kar gesit het, het baie seergekry. Sy word in die intensiewesorgeenheid van die Pretoria Oos Hospitaal behandel.
“Ma was nie so gelukkig nie. Sy het haar gewrig gebreek, haar regter enkel beseer, sy het sewe ribbes gebreek, 10 rugwerwels en ook ‘n nekwerwel,” het Hein met hartseer meegedeel.
Hy het verduidelik dat sy pa beheer oor die voertuig verloor het toe hy ‘n waterplas in die pad getref het.
“Ons vra eMalahleni om te bid. Gebed bring genesing, en Ma het elke gebed nou broodnodig,” het Hein afgesluit.
Pastore Peet en Anita van Kraayenburg.Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za
