Libertasstraat spog met nuwe teer – reg rondom die slaggat
Die slaggat in Libertasstraat is een vir die boeke. Hierdie blaps het gesorg vir kopskud-oomblikke van ongeloof.
Dienslewering in eMalahleni het ’n nuwe hoogte bereik wat selfs die mees gesoute kritici net laat kopskud.
In plaas daarvan om ’n hele slaggat in Libertasstraat reg te maak het kontrakteurs net die pad rondom die slaggat gevul, terwyl die probleem ongeroerd gelaat is.
View this post on Instagram
Dié slaggat pronk nou soos ’n trotse eilandjie in die pad, kompleet met groen riete wat vrolik langs die nuwe teer uitstyg.
Die ‘omgekeerde ingenieurswese’ laat menige motoris stik van die lag en die vraag word gevra, hoe word ’n pad herstel sonder om die daadwerklike probleem op te los.
“Dié baanbreker-idee gaan nie die toets van tyd deurstaan nie,” het Rudo Erasmus opgemerk toe hy oor die naweek daar verbygery het.
This only happens in eMalahleni, tar the road around the pothole. Who signed this project off? #municipalblunder #shame #emalahleni #witbanknews #netinwitbank pic.twitter.com/GiQHXEQOq9
— WitbankNews (@WitbankN) March 12, 2026
“Wie op aarde het die projek afgeteken,” het Erasmus ongelowig gevra.
Hy het vol lag opgemerk, “Dié ‘eilandjie’ het darem een voordeel, die riete dien as ’n natuurlike waarskuwingsteken.”
@witbanknews A pothole in Libertas Street came under the spotlight when contractors tarred around the pothole without filling it up and starring it too #headlines #engineering #localnews #witbanknews #pothole ♬ original sound – witbanknews
Motoriste gaan ten minste nie hul voertuie se suspensies beskadig as hulle Libertasstraat afry nie, want al is dit ’n seeroog, kan jy die petalje nie miskyk nie.
WITBANK NUUS het die munisipaliteit genader om uit te vind of hierdie ’n ‘nuwe groen-projek’ is, of ’n mors van die belastingbetaler se swaarverdiende geld.
Daar was amptelik nog geen kommentaar ontvang nie.
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
