Eerste bevelvoerder van ROT oorlede

Tydens die roudiens, wat op 18 Desember vanuit die dienssentrumsaal van die Wilgers Aftreeoord gehou is, is daar van hom afskeid geneem deur familie, vriende en dienende- sowel as oud-lede van die Regiment Oos-Transvaal.

Benewens sy bevelvoerderskap van ROT (1964-1972), was Crous ook departementshoof van die destydse departement van gesondheid van die stadsraad van Brakpan.

Hy het in 1991, na 44 jaar ononderbroke diens, by die stadsraad van Brakpan afgetree en kort daarna na Pretoria verhuis.

‘n Huldeblyk is, tydens die roudiens, deur majoor Louw Rossouw namens die regiment en die breë geemeenskap van Brakpan gelewer.

Crous word oorleef deur sy vrou, Hester, ‘n seun en twee dogters, asook kleinkinders.