Brandon kry nuwe bal, kan nou weer oefen

Die Herald het die week ‘n brief gebupliseer waarin Brandon se ma, Rika,  haar misnoeë uitspreek teenoor ‘n persoon wat Sondag (9 Augustus) haar kind se enigste krieketbal gesteel het.

Die bal het in die pad gerol terwyl Brandon en sy pa Francois geoefen het en twee persone in ‘n wit Nissan bakkie het stilgehou en dit opgetel.

Dit ten spyte van die feit dat Francois vir hulle aangedui het dat die bal nie aan hulle behoort nie.

Lees die volledige brief hier

Sanet Oosthuizen het die brief op die Herald se webtuiste gelees en dadelik ingespring om vir die seun ‘n nuwe bal te kry. Sy het dit Donderdagmiddag aan hom oorhandig.

Brandon het baie dankie gesê en breed geglimlag oor sy nuwe bal.