By hierdie winkel sal jy ‘n winskoop kry
Die Tutela Kantoor Brakpan open Maandag (11 Desember) ‘n antieke winkel (Vintage Shop) op die perseel, wat te Northdenelaan 106a geleë is.
Die kantoor is reg oorkant die hoofingang van die Laerskool Kommando geleë.
‘n Woordvoerder van Tutela het verduidelik dat die organisasie nie ‘n pandjieswinkel gaan bedryf nie, maar eerder goeie tweedehandse artikels teen baie bekostigbare pryse sal verkoop.
“Tafels, boekrakke, hangkaste, muurbehangsels en allerhande mooi los artikels sal beskikbaar wees in die winkel,” het Naomi Mostert gesê.
Die publiek word uitgenooi om die openingsgeleentheid Maandag, vanaf 10vm by te woon.
Melktert, koeksisters en gemmerbier sal ook te koop aangebied word.
“Kom ondersteun asseblief ons Tutela kantoor en bring familie en vriende saam. Dit sal ook die ideale plek wees om ‘n spesiale Kersgekenk vir iemand te kry,” het Mostert gesê.
Lees ook: Vrywilligers help bejaardes met benodighede
Pensioenarisse vind nie baat by Swart Vrydag
Jong kunstenaars stel hul werk ten toon
Volg ons:
