Die jaar het op ’n hoë noot by Hoërskool Die Anker begin toe die skool vanoggend (Vrydag) met trots aangekondig het dat die matrieks van 2018 altesaam 90 onderskeidings behaal het.
Sewe van die 90 onderskeidings wat behaal is behoort aan die hoofdogter van die skool, Nicole Lombard.
Chané du Plooy was die ander uitblinker wat ses onderskeidings losgeskryf het, terwyl Karla Pienaar vyf onderskeidings ontvang het.
Jodene Nel het vier onderskeidings behaal en het ’n vyfde onderskeiding met ’n skrale een persent gemis.
Lees ook: Ankers ontvang matriekuitslae
Die Anker se hoof, Johan Snyman is trots op elke leerder wat hul kant deur die jaar gebring het.
“Ons werk elke jaar baie hard om die 100 persent mylpaal te bereik, maar ongelukkig bring nie almal altyd hul kant nie, wat ook bewys dat die sisteem regverdig is.
“Ons offer ekstra klasse en selfs klasse voor skool aan, so dit hang alles af van die leerder se deursettingsvermoë en toegewydheid. Ons sal vanjaar op hierdie basis voortbou,” het Snyman gesê.
Volg ons:
For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter
