Brakpan draf Saterdag uit vir super liga kragmeting teen Grizzlies
Rugbyseisoen skop af.
Die Brakpan Rugbyklub draf Saterdag teen die Grizzlies uit in die eerste wedstryd van die Castle Super Liga kragmeting op die Bosman Stadion.
Fasiliteite by die Brakpan Rugbyklub is aansienlik verbeter en besoekers kan uitsien na ’n genotvolle middag en aanskoulike rugby.
Die o21 span skop om 13:00 uur af op die A-veld en die derde span om 13:00 op die B-veld.
Die tweede span wedstryd begin om 14:30 op die A-veld en die eerste span se kragmeting teen die Grizzlies begin om 16:00 op die A-veld.
Toeskouers kan uitsien na ‘n Caste Corner, verskeie pryse wat deur die loop van die dag gewen kan word, kos stalletjies en goeie rugby.
Die toegangsfooi R20 per persoon en R30 per voertuig.
“Ons nooi die publiek, maar veral die inwoners van Brakpan uit om die Brakpan spanne te ondersteun,” het die nuutverkose voorsitter van die Brakpan Rugbyklub, Frikkie Bosman gesê.
