Troeteldiere buite hulself weens vuurwerke
Inwoner, Brenthurst skryf per e-pos:
Dit gaan my verstand te bowe dat ek nog in ‘n samelewing woon waar mense dink dat dit heeltemal aanvaarbaar is om vuurwerke af te vuur.
Die argument, weet ek, is al holrug gery maar daar is diegene wat bloot nie ‘n bloue duit omgee nie.
Sedert Ou Kersaand en veral op Ou Jaar- en Nuwe Jaarsdag is vuurwerke na willekeur in ons buurt afgevuur.
Ek en my gesin is gedwing om tuis te bly en saans na ons twee honde om te sien.
Die worshond en poedel was buite hulself en nie eens medikasie, wat ‘n vriend vir ons gegee het, kon ons diere kalmeer nie.
Wat my verstand verder te bowe gaan is die feit dat onverantwoordelike volwassenes dit goedkeur dat jong kinders vuurwerke hanteer.
Ek en my vrou het op Ou Kersaand gery om te gaan kyk waar die vreeslike lawaai vandaan kom en daar was ‘n groep mense in ‘n oop veld voor ‘n huis.
Drie jong seuns (hul was nie ouer as 12 jaar nie) het die vuurwerke aangesteek terwyl die volwassenes almal met ‘n bottel of glas in die hand gestaan het.
Ek hoop maar net die malligheid is vir nou op ‘n einde.
Ek besef ongelukkig ook dat daar altyd die handjie vol siele sal wees wat geen benul het watter impak vuurwerke op troeteldiere het nie.
Lees ook: Safeguard your pet from fireworks
Ten good and bad treats for your paw pal
Most commonly repeated New Year’s resolutions
Follow us:
