Sondag kan jy terug sit in jou sitkamer, jou skoene uitskop en al te lekker luister na Helene Bester sing Nana Mouskouri.

Dié konsert is een van Lefra se Kelderkonserte wat regstreeks aanlyn uitgesaai word.

Bester se produksie is verlede jaar onder groot toejuiging tydens die Oppiwater Kunstefees bekendgestel.

Die teks en regie word hanteer deur Frans Swart van Lefra Produksies en musiekregie is te danke aan Heinrich Pelser, wie ook Helene se begeleier is, tydens die Mouskouri-vertonings.

“Ek het nog altyd gehoop om ‘n Nana-vertoning te doen.

LEES: Pieter Smith sing van Haas Das tot Stukkie van der Merwe in Lefra se Kelderkonsert

“Ek is so mal oor haar stem en ek en my sussie het met haar musiek groot geword,” het Helenè vertel.

Helene sê sy het Nana se musiekvideos bestudeer.

“Ek het gekyk hoe sy op die verhoog beweeg, wat sy met haar hande doen en hoe sy ‘n gehoor aanspreek.

“Mens wil dit tog so geloofwaardig as moontlik maak.”

Regisseur Frans Swart stem saam: “Toe Helenè my oor hierdie projek nader, was ek dadelik opgewonde.

“Wie dan nou beter as die talentvolle Helenè om hulde te bring aan die tydlose en elegante Nana Mouskouri,” het Frans gesê.

Dit was vir Helenè ‘n opwindende besluit om hulde te bring aan Nana Mouskouri.

“Nana is vandag nog net so gewild omdat mense van my ouderdom ook na haar musiek geluister het.

“Ons laat haar musiek voortleef. Sy het 300 miljoen plate verkoop en kan vyf tale praat en sing. Dit maak dat sy in soveel lande superbekend is,” het Helenè gesê.

Kaartjies kos R120 per huishouding om die volle produksie in jou eie sitkamer te geniet.

Besprekings kan gedoen word by www.itickets.co.za

Het jy ‘n storie?

Stuur ‘n e-pos aan: Thelma Koorts (Redakteur) brakpanherald@caxton.co.za

of Stacy Slatter (Nuus Redakteur) stacys@caxton.co.za

of Miné Fourie (Joernalis) minev@caxton.co.za

Onthou om die Brakpan Herald te volg op die volgende sosiale media platforms:

For more #hyperlocal news at your fingertips, visit Springs Advertiser, Boksburg Advertiser, Benoni City Times, African Reporter