Brakpan Rugbyklub behaal groot oorwinnings teen East Rand United in Peregrine-liga
Brakpan Rugbyklub het Saterdag ’n suksesvolle wedstryddag beleef toe al drie hul spanne teen East Rand United in die Peregrine-liga gewen het, met die eerstes en tweedes wat groot oorwinnings behaal het.
Die Brakpan Rugbyklub het Saterdag in die tweede ronde van die Peregrine-liga teen East Rand United in Boksburg te staan gekom.
Al die spanne het hul wedstryde gewen, met die eerste en tweede spanne wat veral indrukwekkende vertonings gelewer het.
Die eerstes het met ’n oorweldigende 80-20 oorwinning van die veld gestap, terwyl East Rand United ook geen antwoord gehad het vir Brakpan se begeesterde tweede span nie. Die tweedes het met ’n skitterende 95-3 geseëvier.
Die o21-span het ook hul wedstryd gewen en met 25-15 die oorwinning beklink.
Nkosinathi Shabangu se spel vir die eerste span het uitgestaan en hy is as Speler van die Wedstryd aangewys.
Marco van Aswegen het ’n uitstekende wedstryd vir die tweede span gehad en is ook as Speler van die Wedstryd aangewys, terwyl Ayanda Mzozo dié eer vir die o21-span ontvang het.
LEES OOK: Local youth author shares decision to leave formal schooling
LEES OOK: Brakpan detectives go the distance at 99th Comrades Marathon
