Die Carletonville Dierebeskermingsvereniging (DBV) het tans talle pragtige honde en katte – van babadiertjies tot volwassenes – wat dringend op liefdevolle nuwe huise wag.

Daar is diere van alle groottes en persoonlikhede wat by verskillende gesinne kan pas. Benewens aannemings, herinner die DBV ook alle troeteldier-eienaars dat hulle die organisasie moet kontak indien hul troeteldier sou wegraak. Baie verlore diere word gereeld na hul perseel gebring.

Die DBV se kantore en aanneemhokke is geleë in Beersterstraat, Oberholzer (op pad na die koöperasie), en is oop van Maandag tot Vrydag vanaf 09:00 tot 16:00, en op Saterdae van 08:00 tot 11:00.

Vir navrae of om ’n verlore dier aan te meld, kontak die Carletonville DBV by 018 788 6262 of hul noodnommer by 064 752 6035.

Gee vandag ‘n dier ’n tweede kans – dit kan jou nuwe beste vriend wees.