Laerskool Dagbreek se o.11 B-netbalspan het ’n uitsonderlike seisoen beleef deur onoorwonne te eindig en die D2-liga se trofee te verower. Die span het nie ’n enkele wedstryd verloor nie, wat hul vaardigheid en spanwerk beklemtoon.

Die skool se woordvoerder, Colene Rudolph, het afrigter juffrou Rulene Stander geprys vir haar toewyding en liefde vir die sport.
“Ons is baie trots op die dogters en juffrou Stander,” het Rudolph gesê.

Hierdie prestasie beklemtoon die skool se groeiende sportprestasie en die toekoms van netbal by Dagbreek lyk blink.