Agriquip New Holland bou voort op 50 jaar se kwaliteitdiens

Agriquip New Holland het hul 50ste bestaansjaar in Heidelberg gevier.

September 12, 2018

Heidelberg Nigel Heraut 1 minute read

Jaco du Preez van CNH, Dewald Janse van Rensburg (bestuurder by Agriquip) en Kallie Janse van Rensburg van Wesbank Finansiering het saam die 50ste bestaansjaar van Agriquip in Heidelberg kom vier.

Agriquip het vir Jaco du Preez (verkoopsbestuurder van CNH Industrial), Kallie Janse van Rensburg (Wesbank Finansiering), plaaslike boere en die personeel van Agriquip uitgenooi om saam met hulle hul 50ste bestaansjaar op 7 September te vier.

Erkenning is aan die volgende personeellede vir 15 jaar en langer diens by die geleentheid gegee: Jan Machinini (15 jaar), Jerry Motloung (21 jaar), Joshua Sibeko (24 jaar) en Dewald Janse van Rensburg (20 jaar).

Danksy goeie diens en bekostigbare pryse vir kwaliteit trekkers en implemente is Agriquip New Holland ‘n aanwins vir enige boer in Heidelberg en omgewing. Pieter Pretorius boer op Rooikraal en bevestig dat hy New Holland trekkers op sy plaas gebruik as gevolg van hul uitstekende diens, bekostigbaarheid en goeie kwaliteit trekkers.

Agriquip is ‘n gemagtigde handelaar vir nuwe en gebruikte New Holland trekkers en plaastoerusting sowel as vir New Holland konstruksie toerusting. Agriquip beskik oor ‘n volledig toegeruste werkswinkel met goed opgeleide tegnikusse wat trekkers flink en volgens die hoogste standaarde kan diens en herstel. New Holland oorspronklike en goedgekeure onderdele is beskikbaar of kan dieselfde dag bekom word.

Agriquip se perseel is te Schoeman 64 straat.
Besigheidsure is 07:30 tot 17:00 Maandae tot Vrydae
Saterdae van 08:00 tot 12:00.
Skakel Agriquip se kantore by 016 341 3135 of selnommer 082 447 1019.