Oral waar jy jou in die dorp mag bevind word jy met lang, onkruid-begroeide gras begroet. Sportvelde se gras is maande laas gesny en self die sypadjies (wat ‘n paar jaar gelede ten duurste met plaveiselsteen uitgelê is) is deesdae met gras en onkruid oortrek.

Die noordelike ingang van die dorp is onlangs deur City of Ekurhuleni (CoE) se parke-afdeling verfraai, maar duidelike tekens van gebrekkige instandhouding begin ook hier sy lelike kop uitsteek, dit terwyl die projek oor vier fases (vir elke hoek van die ingang) moet plaasvind.

Slaggate begin ook oral in die strate vorm en die algemene voorkoms van die dorp is ‘n seeroog.

Gaan die lang gras binnekort gesny word?

Volgend Wollaston Labuschagne (DA raadslid) het hy ‘n stel vrae rondom die probleem oor gebrekkige dienslewering by Ndosi Shongwe (CoE: lid van die burgemeesterskomitee ingedien) maar wag steeds op antwoorde.

Lees meer hieroor in die volgende uitgawe van HERAUT.