Sebastian Ferreira is die nuwe liggewig kampioen
Dit was Sebastian Ferreira se eerste titel geveg.
Sebastian Ferreira (18) van Ability Academy het op 14 September tydens die Versus 1 ‘Moer ‘n Boer’ toernooi in die liggewig titelgeveg teen Jason McKay gewen.
Die toernooi het by die Heartfelt Arena in Pretoria plaasgevind.
Ferreira is na afloop van sy sege as liggewig kampioen gekroon. Dit was Ferreira se eerste titelgeveg.
In die begin het McCoy die geveg oorheers maar vanaf die derde ronde het Ferreira die geveg begin dikteer en het veroorsaak dat McKay tou opgooi as gevolg van ‘n agter-nek greep.
“Sebastian is al tien jaar betrokke by Ability Academy en met harde het hy vermag wat hy wou,” het afrigter, Stefan Pretorius gesê.
“Sebastian het al deurentyd gewys dat hy die regte mentaliteit het om dit ver in die sport te bring. Om die titel te wen is ‘n reuse stap vorentoe vir Sebastian en vir ons gimnasium,” het Pretorius bygevoeg.
