Laer Volkskool leerders maak naam vir hulself

Leerders van die Laer Volkskool het die afgelope tyd goeie welslae in netbal en atletiek behaal.

Shantelize Schoeman (o12) is deur na die volgende ronde netbalproewe waar sy die Sedibeng-span by die Gauteng proewe gaan verteenwoordig.

Twee hoogspring atlete wat aan die Gauteng Kampioenskappe deelgeneem het, Steph Pretorius en Limari Ernst het met silwerware huis toe gekom.

Steph Pretorius o10 het ‘n eerste plek losgespring met ‘n hoogte van 1.35m en Limari Ernst o10 het tweede gekom in haar afdeling met ‘n hoogte van 1.25m.

Pretorius en Ernst tesame met Ashley Burke o13 (hoogspring) en Christiaan Lewis o12 (1 200m) is in die Gauteng-span.