Balfour Hengelklub-lede vang goed tydens kompetisie by Rosslee Vaaldam
Jaco Nel is gekroon as die senior wenner met die meeste vis en het ook die swaarste vis ingekatrol.
Altesaam 20 lede van die Balfour Hengelklub het onlangs ’n opwindende kompetisie by Rosslee Vaaldam geniet.
Hengelaars meegeding het om die grootste vis van die dag te vang. Die dag het vroeg begin, met hengelaars wat hul lyne in die water gegooi het in die hoop op ’n groot vangs. Die spanning het toegeneem namate verskeie indrukwekkende visse uit die dam gehengel is.
’n Totaal van 49 visse is uiteindelik ingekatrol met ’n gesamentlike gewig van 41.093kg. Die deelnemers het hul vaardighede en geduld op die proef gestel en nie net hul talent getoon nie, maar ook die passie van die klublede vir die sport.
Aan die einde van die dag is die wenners gekroon vir die meeste en grootste vis.
Met groot waardering vir die organiseerders en deelnemers sien die klub uit na die volgende opwindende hengelgeleentheid by Kees van der Walt, Vaaldam op 5 Julie.
Resultate vir die kompetisie:
Senior wenners:
Eerste: Jaco Nel met agt vis (8.174 kg)
Tweede: Theunis Botha met sewe vis (6.181 kg)
Derde: Bennie Kriel met sewe vis (5.879 kg)
Vroue wenners:
Eerste: Darell Roos een vis (1.496 kg)
Tweede: Ingrid Kriel een vis (0.308 kg)
Derde: Deidre Nel twee vis (0.293 kg)
Junior wenner:
Eerste: Kallie Kriel twee vis (0.964 kg)
Swaarste visse:
Swaarste karp: Jaco Nel (2.782 kg)
Swaarste graskarp: Jaco Nel (0.350 kg)
Swaarste moddervis: Bennie Kriel (0.863 kg)
Swaarste geelvis: Dandre Pretorius (0.490 kg)
Vir meer inligting of om by die klub aan te sluit, kontak Lukas Stolz by 084 757 6058 of Bennie Kriel by 079 888 6052.
