Volkskool gymnaste verower silwer by Gauteng gimnastiek byeenkoms

Laerskool Volkskool spog met twee ster gimnaste in hul geledere.

Reuben en Nathan du Toit het onlangs aan die Gauteng Festival for Artistic Gymnastics in Centurion deelgeneem.

Die byeenkoms het van 13 tot 16 Junie plaasgevind, en albei broers het die Ekurhuleni-streek verteenwoordig.

Met uitstekende vloer uitvoerings het hulle elk ’n silwer medalje verower en trots teruggekeer Heidelberg toe.

As gevolg van hierdie prestasie is albei gimnaste gekies om in September aan die nasionale kwalifiserende byeenkoms deel te neem.