Laerskool AG Visser se Graad Een-leerders is gereed vir die nuwe skooljaar.

Met die aanbreek van die jaar het die leerders op 14 Januarie vol opgewondenheid hul eerste skooldag aangepak.
Gesiggies was vol glimlagte, terwyl enkele leerders ook ’n traan of twee gestort het toe die klok vir die eerste keer gelui het en hulle hul klaskamers vir die jaar betree het.

Volgens die tradisie van Laerskool AG Visser het die Graad Een-leerders reeds op 13 Januarie elkeen die klok voor die saal vir die eerste keer gelui. Die volgende keer wat hulle dié klok sal lui, is wanneer hulle Graad Sewe voltooi.

Met die aanvang van die skooljaar het die buitemuurse aktiwiteite reeds volle aandag geniet, met die skool se eerste atletiekbyeenkoms wat op 22 Januarie gaan plaasvind.