Kunsliefhebbers en beginners word genooi om hul kreatiewe kant te ontdek tydens ‘n kunswerksessie wat deur Veronica Olivier aangebied word as deel van die Heidelberg Hospice se Kuns- en Kultuurmark.

Die werksessie vind op 29 Julie van 10:00 tot 13:00 by Freemanstraat 2 in Heidelberg plaas.

Belangstellendes kry die geleentheid om hul eie A4-kunswerk met behulp van gemengde mediums te skep. Alle materiaal word voorsien en die koste beloop R300 per persoon.

“Ontdek jou kreatiwiteit en geniet ‘n heerlike kunsmakery-ervaring saam met my. Laat jou inspireer, skep iets besonders en neem jou unieke kunswerk huis toe,” nooi Olivier.

Die opbrengs van die werksessie sal ten bate van Heidelberg Hospice aangewend word.

Om ‘n plek te bespreek, stuur ‘n WhatsApp-boodskap aan Veronica Olivier by 082 806 1191.