HOK swembad in 1957 in gebruik geneem
Later, na die bou van die swembad, het 'n gimnastieksaal en nuwe kleedkamers ook bygekom.
Soos die oud-studente van die Heidelbergse Onderwyskollege (HOK) terugkyk op gebeure en tradisies in die aanloop tot hul 60-jaar-reünie in 2027, bly die ingebruikneming van die swembad ’n groot hoogtepunt.
Die Heidelbergse Onderwyskollege het alles gedoen om die studentelewe op te kikker, en die swembad is in November 1957 amptelik in gebruik geneem.
Die swembad is uit soliede klip gekap, volgens Olimpiese standaarde gebou, en aanvanklik het twee rondaweltjies as kleedkamers gedien.
Later is behoorlike kleedkamers aangebring, sowel as ’n gimnastieksaal, wat die liggaamlike opvoedingskursus baie gewild onder nuwe studente gemaak het.
Hoë duikplanke is toegevoeg, vanwaar studente “leer vlieg” het. Die duikvertonings het entoesiastiese applous ontlok, en swemgalas is goed bygewoon.
