Stap vir Bybels-projek in Nigel is ‘n reuse sukses

Die Stap vir Bybels-projek het vanjaar sy tiende bestaansjaar gevier met die byeenkoms wat by die John Vorster Sportgronde plaasgevind het.

Altesaam 715 stappers het deelgeneem en die aand se atmosfeer was volgens die organiseerders vol energie en gemeenskaplike gees.

“Die stap is vir die eerste keer by die sportgronde aangebied, en die goeie opkoms het ons se verwagtinge oortref,” het die organiseerder gesê.

Die spreiligte het die baan verhelder en ’n veilige, feestelike ruimte geskep waar jonk en oud saam kon stap vir ’n saak van groot waarde.

“Die projek, wat oor ’n dekade heen gegroei het, het weer eens bewys dat die Nigel–gemeenskap saam kan staan vir die verspreiding van God se Woord.”