Heidelbergse Onderwyskollege se pawiljoene: Van sport tot snoepie en kuier
Die pawiljoene het verskeie aktiwiteite gehuisves, van sportbyeenkomste tot ontspanning.
Soos die oud-studente van die Heidelbergse Onderwyskollege (HOK) terugkyk op gebeure en tradisies in die aanloop tot hul 60-jaar-reünie in 2027, word daar ook terug gedink aan die pawiljoene wat deur honderde studente en besoekers gebruik is.
Die pawiljoene by die Heidelbergse Onderwyskollege (HOK) het verskeie doeleindes gedien met sportbyeenkomste, ontspanning na aandete en gesellige gekuier onder studente.
Onder die pawiljoene was daar ‘n snoepie en ‘n “lekkerhoekie” wat saans na aandete die studente gelok het om hul sorge te vergeet, te dans en moontlik ‘n aantreklike pasmaat te ontmoet.
Die vroue moes egter voor 20:00 weer terug wees by die koshuis, maar die mans kon gemaklik verder kuier.
Tydens sportbyeenkomste moes die studente behoorlik bontstaan om genoeg voorrade byderhand te hê vir al die besoekers, en verseker dat die snoepie se bedrywighede glad verloop.
Die “lekkerhoekie” is so geposisioneer dat alles op die sportveld sigbaar is en dopgehou kon word terwyl snoepie-aankope gemaak word.
Die pawiljoene was ‘n groot deel van die studentelewe by die HOK.
