Sebastian Ferreira het sy liggewig-titel op die spel geplaas teen TJ Esterhuizen.
Die geveg, wat die volle vyf rondes geduur het, was deel van die Versus MMA Fight Night 14: Moer-’n-Boer-toernooi in die Heartfelt Arena in Pretoria.
Ferreira is as wenner aangewys. Hy het op twee telkaarte die geveg gewen en Esterhuizen op een telkaart.
Die twee vegters het in die verlede ook teen mekaar geveg en daar het Ferreira ook as wenner weggestap.
Ferreira is deel van Ability Academy in Heidelberg waar Stefan Pretorius sy afrigter is.
Hy is is al sedert hy agt jaar oud was deel van die gimnasium en oefen elke dag onder die wakende oog van Pretorius.
Nog ‘n MMA vegter van Ability Academy, Ruan Black het in die toernooi geveg. Sy teenstander was Johnny Esterhuizen, broer van TJ Esterhuizen.
Johnny het Ruan tot oorgawe gedwing in die tweede rondte.
