Balfour Hengelklub lede vang goed tydens September kompetisie
Die grootste vis gevang is 'n uitsonderlike 4.09kg karp wat deur vroue wenner Darell Roos gevang is.
Die Balfour Hengelklub se maandelikse kompetisie het op 12 September by Steyns Oord te Vaaldam plaasgevind.
Die 19 deelnemende hengelaars het 41 visse ingetrek met ‘n totale gewig van 29,61 kg.
Die swaarste karp is deur die vrouewenner, Darell Roos, gevang, met ‘n stewige gewig van 4,09 kg.
Die swaarste graskarp is deur Deidre Nel gevang en het 0,3 kg geweeg.
Noah Lombard het die swaarste moddervis gevang, met ‘n gewig van 0,58 kg, en Pieter Lombard die swaarste geelvis, teen 0,49 kg.
Die seniorwenners is Pieter Lombard in die eerste plek, met ses visse van 6,44 kg, Johan Dames tweede, met vyf visse teen 2,02 kg, en Koos Erasmus derde, met vier visse teen 1,87 kg.
Die vrouewenner is Darell Roos, met twee visse teen 4,63 kg, met Deidre Nel tweede, met drie visse teen 1,30 kg, en Ingrig Kriel derde, met drie visse teen 1,28 kg.
Die juniorwenner is Noah Lombard, met ses visse van 5,62 kg, en Kallie Kriel is tweede, met ‘n vis van 0,43 kg.
Die volgende kompetisie vind op 3 en 4 Oktober by Kees van der Walt, Vaaldam, plaas.
Om by die klub aan te sluit, skakel Lukas Stols by 084 757 6058, of Bennie Kriel by 079 888 6052.
