Huur jou aanddrag teen slegs R100
Belle & Boots bied ook ’n klein verskeidenheid skoene en juwele
SOLIDARITEIT Helpende Hand Kemptonpark bied aanddrag te huur teen slegs R100.
“Ons projek, Belle & Boots, gee aan elke persoon wat nie kettingwinkelpryse vir aanddrag kan bekostig nie, die geleentheid om deftige aanddrag te huur teen ’n minimale fooi,” sê Elsie Miller, Vrou-in-Aksie.
Daar is meer as 200 rokke en manspakke om van te kies. “Trourokke, aandpakke, onderbaadjies, deftige manshemde, rokke vir blommemeisies asook aandrokke ideaal vir matriekleerlinge is beskikbaar.”
Die R100 fooi word gebruik vir beide die droogskoonmaak van die aanddrag en befondsing van die tak se ander projekte. Belle & Boots bied ook ’n klein verskeidenheid skoene en juwele vir matriekleerlinge om by hul rok of pak te pas.
Om ’n afspraak te maak of aanddrag te skenk vir Belle & Boots, skakel Miller by 083-225-8632.
