Monnas klop op sport- en kultuurgebiede

Hoërskool Monument het die laaste paar maande triomfantelike uitgetree in talle kultuur- en sportgebiede.

Hierdie leerlinge het besonders goed gevaar:

• Anandie Liebenberg, Anica Janse van Vuuren en Ewan Meyer het tydens die provinsiale EBW Olimpiade vroeër vanjaar derde geëindig. Baie geluk julle!

• Hoërskool Monument se onder 15-sewesrugbyspan (hooffoto) palm die Noordvaal-trofee in nadat hulle Helpmekaar College 21-19 in die eindstryd op Menlopark verslaan. Baie geluk kêrels!

• Monnas se onder 19 seunsjukskeispan het vanjaar ook groot hoogtes bereik. Hulle is as Noordvaal-wenners aangewys en is ingesluit om Gauteng by die SA Skole Kampioenskappe te verteenwoordig wat in Desember plaasvind. Van links na regs is Marno Nel, Jean Nel, Johan Botha, Tinus Barnard (afrigter) en Jood Scholtz.