Nooddiens werkers was binne minute op die toneel nadat ‘n oproep ontvang is dat ‘n vliegtuig in die piesangboorde daar neergestort het.

Na wat verneem word was die oproep gemaak deur ‘n vrou van Polokwane.

‘Sy het seker die mis sproei gesien waarmee die vliegtuig die boorde spuit, en gedink dis rook,’ het een van die noodpersoneel lede op die ‘ongeluks toneel’ laat val.

Die nooddiens personeel van Tzaneen verdien meer as een veer in die hoed.

Met Letaba Herald se aankoms, was die vloot van nooddiens werkers daar. Noem maar op, brandweer, ambulansdienste,  insleepdienste, SAPS,  sowel as verkeerspersoneel.

Tzaneen se inwoners kan beslis gerus wees dat ons nooddienste hulle uitstekend van hulle taak sal kwyt indien ‘n noodsituasie onstaan!

Video: Letaba Herald berig van die ‘ongelukstoneel’ af