Canell sal haar plek volstaan saam met die res van die Protea-span, waar hulle Suid-Afrika by die IFAA Plaaslike Veldboogskietkampioenskap in Zambië vanaf 29 Junie tot 2 Julie vanjaar verteenwoordig.

Verdere boogskutnuus is dat 45 skuts van verskillende provinsies op 1 en 2 Junie deelgeneem het aan die Limpopo Provinsiale Veldkampioenskap, aangebied by Hoërskool Merensky. Die 15 Plasieskuts, waarvan ses vir die eerste keer aan ‘n veldkampioenskap deelgeneem het, het hul besonder goed van hul taak gekwyt.

Sean Hunt (YAMFU), Izelri Theron (CFBU), Lin-Mari Theron (YAFBU), Armand Venter (JMFU) en Rohan Wewege (YAMBU) verdien goue medaljes. Ashley Hunt (JFFU), Canell Jackson (JFBU) en Jenique Oosthuizen (YAFBU) het silwer medaljes ontvang en Nic de Beer (JMBU), Seph Oosthuizen (AMBU) en Dian Schnettler (JMFU) brons.

Lin-Mari Theron en Canell Jackson skiet tydens die byeenkoms elk twee provinsiale kwalifiseerders. In die boogskietstryd tussen Hoërskole Merensky en Frikkie Meyer op Saterdag, 1 Junie, verwerf die Plasieskuts die goue medalje terwyl die Frikkies met silwer terugreis na Thabazimbi.