Clive Garrett, voorsitter van SAAGA, vertel dat alhoewel die handelsooreenkoms nog nie onderteken is deur Suid-Afrika en China se betrokke ministers nie, daar wel vordering is in dié jare-lange proses. “Die feit dat pere en suurlemoene se handelsooreenkomste onlangs onderteken is gee vir ons hoop,” sê Garrett. “Om ‘n mark oop te maak is nie maklik nie, dit is ‘n tydsame en omvattende proses. Die tegniese aspekte is afgehandel en ons wag tans om te hoor of die Chinese tevrede is met die prokolle en of ons aanpassings moet maak.“

Daarna moet die ooreenkoms onderteken word. Ons is optimisties dat dit binne ‘n jaar of twee afgehandel sal wees,” verduidelik hy. Garrett vertel dat daar nog baie werk is om te doen en dat daar logistieke uitdagings is met die koueketting, maar dat dit ook met tyd sal ontwikkel. “Tans is die per kapita gebruik van avokado’s in China 0.1kg, as mens dit vergelyk met die 2.4kg per kapita gebruik in die VSA en 1kg per kapita verbuik in Suid-Afrika, is dit duidelik dat die Chinese mark nog nie ‘n smaak vir avokado’s het nie.

lees ook: ZZ2 builds large avocado pack house for the future

Ons hoop wel om dié smaak te kultiveer by die Chinese verbruiker,” verduidelik hy.“Ons het goeie seisoenvooruitsigte. Die plaaslike avokadoboere het wel baie haelskade gehad wat produksie beïnvloed. “Dit gee ons ook hoop dat die vroeë avokadomark sterk bly en ons goeie pryse kan verwag op die Europese markte,” sê Garrett. Luidens Garrett is die avokado-oes in Peru die jaar sowat 10-15% groter as verlede jaar so dit bly van kardinale belang om dié vrugte op die mark te kry voor die Peruviese avokado’s in Junie gereed is.

“Oesskattings en beramings is altyd ‘n uitdaging, maar ons verwag dat daar vanjaar sowat 15.5miljoen bokse uitgevoer kan word, met nuwe aanplantings van bome kan ons, indien alles goed gaan en die weer saamspeel, verwag dat dit volgende jaar na 20 miljoen bokse kan styg,” sluit hy af.