Eienaar, André Venter, wil graag hulle getroue klante gerus stel en beklemtoon dat die apteek nie gaan toemaak of skuif nie. “Ons bly onafhanklik en ek bly verantwoordelik vir aankope en vir die pryse van ons voorraad asook al die spesiale aanbiedings. Ek sal altyd die beste moontlike pryse deurgee,” sê Venter.

Die rede vir die handelsnaamverandering is weens die opening van ‘n addisionele apteek wat by ‘n nuwe ontwikkeling in Aqua Park in samewerking met SPAR in die eerste kwartaal van 2024 geopen gaan word. Venter nooi ook graag die publiek om op 2 November saam met vervaardigers en uitstallers die nuwe naam te vier by hul perseel, 1 Messerstraat.

“Ons gewaardeerde klante is welkom om saam met ons die dag te spandeer en te kom kyk. Ons gaan ‘n verteenwoordiger van National Performace Labs (NPL), ‘n sportaanvullingsmaatskappy teenwoordig hê wat sal raad gee aan diegene wat wil presteer op die sportveld of in die gimnasium. Die span van NPL sal onder andere raad gee oor liggaamsbou, gewigsverlies en uithouvermoë en sal ook gratis toetsprodukte byderhand hê.”

Pharmacy at SPAR Peacemed sal ook vir die hele maand Swart November-promosies met spesiale aanbiedings en uitstekende pryse aanbied in stede van ‘n enkele Swart Vrydag-promosie. “Ons is ook een van die handelaars op Tzaneen wat die Pienk Graaf-projek help dryf en enigeen kan hier by ons die liefdadigheidsfondsinsameling ondersteun en ‘n pienk graaf aankoop,” sê Venter. Vir meer besonderhede, skakel 015 004 0683 of besoek die apteek.