Dam sak vinnig, maar almal misbruik water
Terwyl die Middelburgdamvlak dag vir dag kommerwekkend daal, is daar steeds geen amptelike aankondiging vanaf die Steve Tshwete Munisipaliteit oor moontlike waterbeperkings nie.
Intussen gebruik inwoners lustig water of dit nooit sal opraak nie. ’n Leser het foto’s gestuur van ’n inwoner wat selfs terwyl dit reën, sy tuin met sproeiers nat spuit.
Die hoop dat dit ’n goeie reënseisoen kan wees, het tot nou beskaam en belowende wolke soos gisteraand, lewer skaars 2 mm op.
Daar het bitter min water geval in die opvanggebied van Hendrina.
Inwoners op dié dorp sê dat hulle tuine doodbrand.
Die Middelburgdamvlak het gister op 57.8% gestaan, maar daar word in munisipale kringe geswyg oor ’n onlangse raadsbesluit dat vlak een waterbeperkings ingestel sal word, sodra die damvlak onder 60% val.
Geen amptelike bevestiging is nog aan www.mobserver.co.za gegee rakende die damvlak of moontlike waterbeperkings nie.
• Daar is vandag ’n media inligtingsessie by die stadsraad waar daar moontlik meer inligting bekend gemaak sal word.
Ander nuus:
Mosambieker geskiet, misdaad skielik minder
Trane soos riviere by prysuitdeling
Nuus op ’n drafstap
Kry nuus op ’n drafstap. Stoor ons bystand nommer (072 248 3855) op jou foon, stuur ’n WhatsApp boodskap met die woorde “Add me” om nuus flits skakels op jou foon te kry.
