’n Oud-leerling van HTS Middelburg het Sondagmiddag in ’n ongeluk op die ou Middelburg/Witbankpad (R555) gesterf net etlike ure nadat sy saam met vriende in Middelburg gekuier het.

Jackie Hulme (27) wou die oggend nie hê dat haar vriend, Herman Combrink, ry nie, “omdat sy ’n visioen van ’n ongeluk gehad het,” het hy gesê.

“Min het ons geweet dat dit sy sou wees.”

Die ongeluk het kort voor 16:00 net sowat 50 meter anderkant die Olifantsrivierbrug gebeur.

Na wat verneem word was sy op pad na eMalahleni toe sy in ’n ongeluk met ’n trok betrokke was. Sy het op die toneel gesterf.

https://www.citizen.co.za/middelburg-observer/59693/blomme-langs-pad-vir-ma-wat-in-ongeluk-sterf/

Mnr. Combrink het gesê dat sy Vrydag vir ’n onderhoud in die Drakensberge gegaan en daar oorgeslaap het. Sy sou Donderdag (more) daar begin werk het.

Saterdag het sy by hom kom kuier in eMalahleni en was hulle vandaar by ’n paar kuierplekke in eMalahleni en Middelburg.

Jackie was op pad na eMalahleni toe die ongeluk gebeur het.

https://www.citizen.co.za/middelburg-observer/15952/man-sterf-in-kettingbotsing/

“Ek was een van die laaste mense wat haar lewendig gesien het.”

’n Roudiens word Vrydag om 14:00 by die Kapel by die begraafplaas in Middelburg gehou.

• Doret van der Merwe, Jackie se vriendin, het ’n video as huldeblyk oor haar lewe gemaak.

• ’n Meer volledige berig verskyn in die Vrydag uitgawe van die Middelburg Observer.

Ander nuus:

Meningspeiling – Dalk geen meer Classic Clashes

Dwelmverslaafde tronk toe gestuur

Ongelukslagoffers na twee maande nog nie uitgeken

Vrou glo by ‘kliniek’ verkrag terwyl sy onder narkose is

Waar is Wolfswinkel se moordenaars?

Verkeerskonstabel met blou lig kaap trok op N4

Nuus op ’n drafstap

Kry nuus op ’n drafstap. Stoor ons bystand nommer (072 248 3855) op jou foon, stuur ’n WhatsApp boodskap met die woorde “Add me” om nuus flits skakels op jou foon te kry.