UMnyango wezemfundo nohlelo lokulwisana nokukhulelwa ezikolweni

UMnyango wezemfundo KwaZulu-Natal emizamweni yawo yokulwa nokukhulelwa kwentsha ezikoleni ususungule uhlelo olubizwa nge’Project Baby’ elenziwa kuyoyonke imikhandlu engamele isifunda saKwaZulu-Natal. Izikole ezinesibalo esiphezulu sabantwana abakhulelwayo izona ezikhethwe ukuba kuhanjiswe kuzona loluhlelo.
Emkandlwini waseMzinyathi isikole i-Mabaso High saseMsinga isona esikhethiwe.
Ngabafundi bebanga lesithupha abaqokiwe ukuba babe inxenye yaloluhlelo lapho benikezelwe ngonodoli ukuba babanakelele njengomtwana wabo amaviki amabili. Lokhu kwenziwa ngaphansi kwesifundo seLife Orientation, njengoba abafundi bezophinde banikezwe amamaki ngokuphatha kwabo ‘abantwana’babo. Inhloso enkulu yalokhu, ukufundisa abafundi ngobunzima abahlangabezana nabo uma bethola abantwana besasebancane besafunda.
Loluhlelo luhlelelwe ukuba lubaqwashise ngobungozi bokukhulelwa nokuthi kubaphazamisa kanjani ezikoleni lapho kumele banakekele untwana baphinde babheke umsebenzi wesikole.
Ngokusha kuka Nksz PE Molefe woMnyango weZemfundo eMzinyathi uthi, akukhona okokuqala ukuba loluhlelo luka ‘Project Baby’ lwenziwe kulesifunda.
Lwasungulwa ngonyaka ka 2011 nguMnyango wezeMpilokhona esifundazweni, lwaba nemiphumela emihle kakhulu. Isikole esabe sikhethiwe ngaleyonkathi kwakuyi Busani High School yaseMvoti, okuthiwa ngemuva kokuba kwenziwe leprojekti ‘isibalo sabafundi abakhulelwa esikoleni sehla kakhulu’, kusho uNksz Molefe.
Kungabafundi bebanga lesithupha loluhlelo oluqondiswe kubona njengoba kubonakala ukuthi ibona ababa sencupheni enkulu yokuba bathatheke ezintweni ezenziwa ngabanye abafundi esekade bafika esikoleni. Baba ondingasithebeni njengoba besuke bephuma ezikoleni zamabanga aphansi baye kwesamabanga aphezulu. “Lologebe lwenza baheheke kalula ezintweni ezenziwayo ezingalungile,” kuchaza uNksz Molefe. Loluhlelo alukhethile, mfana, ntombazane bonke bazonakelela ‘abantwana’.
Esikoleni i-Mabaso njengoba inani lodoli lingabalingananga abafundi bahlukaniswe ngamaqembu amabili.
Leli lokuqala lona likubone kungekhuhle neze ukuba babe nabantwana besabancane. UMnyango wezemfundo uphindele kulesikole mhla zingu 9 Juni kulenyanga ukuyotholisisa ukuba imiphumela yaloluhlelo ihambe kanjani.
Ukuthi abafundi kanye nothisha bazizwa kanjani ngokuba nalomsebenzi wokugada ‘izingane’.
Abafundi babonise ukungakuthokozeli neze ukuba bathole abantwana besasesikoleni njengoba bethe, umntwana uthatha isikhathi sabo esiningi sokufunda, ukufika ngesikhathi esikoleni,ukudlala nokuchitha isikhathi nabangani. Baphinde babala nokuthi ‘umtwana unezidingo eziningi njengoba kumele athengelwe ubisi, izinto zokugqoka, udinga imali ukuze anakekeleke kahle.’
Lemiphumela iwujabulise kakhulu uMnyango nokukhomba ukuthi le project ibe nomthelela omuhle kubafundi. UMnyango ubonga kakhulu abazali nothisha ngokuluthathela phezulu loluhlelo baqinisa isandla kubafundi ngakhokonke ebemele bakwenze ukuze kuzodluliseka umyalezo okuyiwona.
Abafundi bachazile ukuthi abazali bebeshaya ngonyawo phansi babamele ngokunakelela labo doli obekungabantwana babo.