Daar word by die gemeenskap gepleit om die Vrystaatse boere by te staan, wat na die afgelope verwoestende veldbrande bykans alles verloor het.  Meer as 200,000 hektaar grond is tydens die brande verwoes. 

Diere met erge brandwonde moes noodgedwonge uitgesit word.  Plaashuise het tot die grond afgebrand. 

Fanie Terreblanche van die Sports Junction in Glencoe koördineer ‘n projek waar die gemeenskap voer vir diere, nie-bederfbare kos vir mense en enige ander huishoudelike items kan bydra. 

In Junie 2017 tydens die Knysna brande het die Courier ‘n oorweldigende reaksie vanuit die gemeenskap ten opsigte van donasies ontvang.  Ons glo en vertrou dat die gemeenskap weereens hul harte sal oopmaak en saam sal staan. 

Die donasies sal op ‘n weeklikse basis aan die boere gestuur word.  Vir meer inligting skakel Fanie op 082-961-7583.

HAVE YOUR SAY: Like our Facebook page, follow us on Twitter and Instagram or email us at dundee.courier@caxton.co.za. 
Add us on WhatsApp 071 277 1394.