communityDundee CourierLocal newsMunicipal
I-Meya yeSifunda ivakashele eNcome Museum
IMeya igqugquzele abafundi ukuthi bavakashele eNcome naseSandlwana ukuze baqonde ngezigameko ezenzeka kulezo zindawo ngo-1838 no-1879.
IMeya yesiFunda uMzinyathi, uMnuz Ald PMS Ngubane, unxuse abafundi bezikole ezinhlanu ebezibuthene eNcome Museum eNquthu ukuthi bawuqhakambise umlando nemvelaphi yabo ngosuku lwe-International Museum Day.
Ihambisana noNgqongqoshe wezobuCiko namaSiko KwaZulu-Natal, uNkk Bongi Sithole-Moloi, iMeya igcizelele ukubaluleka kokufundisa intsha ngomlando ukuze kugwenywe ukufa kwesizwe. IMeya igqugquzele abafundi ukuthi bavakashele eNcome naseSandlwana ukuze baqonde ngezigameko ezenzeka kulezo zindawo ngo-1838 no-1879 ngokulandelana kwazo. Uphinde wagcizelela ukubaluleka kokuhlonipha lezi zindawo nokungazilimazi. IMeya ibalule ukuthi kukhona abantu abantshontsha izinsimbi eSandlwana osekuholele ekutheni kubiywe ngothango ukuze kuvinjwe umonakalo.
At Caxton, every story is written by humans. We use AI only to perform quality checks - never to generate the news. Happy reading!
