Die status quo by beide die Vaaldam en Bloemhofdam sal vandag gehandhaaf word met minder invloei wat nou by Vaaldam gesien word. Dit beteken dat die watervlak by Vaaldam nou behoort te verminder.

Vaaldam was Maandag nog 120,69% vol, maar is vanoggend 119,18% vol.

Invloei word gemeet teen 1 338,80 kubieke meter per sekonde, en uitvloei teen 1 771 kubieke meter per sekonde. Tien heksluise is steeds oop by Vaaldam.

Uitvloei by Bloemhofdam is Maandagoggend verhoog na 3 400 kubieke meter per sekonde en sal dié uitvloei vandag gehandhaaf word.