Watervoorsiening is een van die groot kwessies wat bejaardes van Parys graag aangespreek wil hê na die munisipale verkiesing. So sê Hesther Swanepoel van Najaarsrus wat vanoggend haar spesiale stem in die verkiesing uitgebring het. Sy het die stemproses as vinnig en vlot beskryf, en gesê dat OVK-beamptes vriendelik en behulpsaam was, toe hulle die tehuis vroegoggend besoek het vir bejaarde inwoners wat hier geregistreer was vir spesiale stemme.

Hester sê sy wil graag sien dat inwoners in die Ngwathe munisipale gebied skoon water en permanente kragvoorsiening moet hê.

Danie Visser van Amot is veral bekommerd oor die grootskaalse besoedeling van die land se waterbronne.

Ook Rina van Loggerenberg van AMOT stem saam dat daar gehoop word vir daadwerklike verandering na die verkiesing.

OVK-beamptes was teen 08:30 reeds by die AMOT en teen net voor 10:00 kon bejaardes van Najaarusrus wat geregistreer was vir spesiale stemme hul kruisies trek.

By Sally Martin Park was bejaardes rondom 10:00 vanoggend gereed om te kon stem.