Munisipale dienslewering sal voortaan ook in die Parys gemeenskap aangespreek word deur die organisasie, Parys Sakeliga, wat deur ’n groep sakelui en inwoners van Parys, gestig is. Die stigting is gedoen met die hulp van Sakeliga as nasionale strategiese vennoot. Kom luister vanaand, Donderdag 12 November, by die AfriDome in Allenbystraat, na die #myParys herstelplan, met Parys Sakeliga se amptelike opening tydens ’n gemeenskapsvergadering om 18:30.
Sakeliga nooi die gemeenskap om saam te kom bou aan die plan vir Parys. Bywoning is gratis, maar ter wille van die monitor van bywoningsgetalle moet jy vooraf registreer by https://www.quicket.co.za/events/99593-gemeenskapsvergadering-parys-sakeliga/?utm_source=EventPage&utm_medium=Sharebox&utm_campaign= Jy kan ook vir Suleen Peens skakel by 084 398 4394 as jy hulp nodig het met registrasie.Sakeliga Parys is ’n gemeenskapsorganisasie vir die gemeenskap wat funksioneer sonder winsoogmerk, en wat vanuit sy affiliasie met Sakeliga, in staat is om regsaksie en projekte strategies te kies sodat dit vir die dorp verligting kan bring, maar ook deel kan vorm van ’n sterk, strategiese bloudruk wat ander gemeenskappe in soortgelyke situasies kan bevoordeel.
Volgens Ernst Vorster, hoof van plaaslike sakeligas en affiliasies by Sakeliga, is ’n sakeliga meer as ‘n tradisionele sakekamer, maar ook meer as ‘n tradisionele gemeenskapsorgansisasie. Hy sê Sakeliga voorsien bloot ‘n getoetste model waarin gemeenskappe hulself kan organiseer, self besluite kan neem en hulself kan bestuur, maar met die voordeel dat hulle op ‘n nasionale kennispoel kan reken.
