Verskeie Sassa-begunstigdes het vanogged (Maandag 2 Julie) teleurgesteld moes omdraai nadat hulle nie hul maandelikse toelaag kon onttrek nie.

By navraag aan die Poskantoor is Gazette meegedeel dat daar ‘n tegniese probleem is wat veroorsaak dat daar landwyd mense is wat nie hul toelae kon onttrek nie.

Die probleem is klaarblyklik gerapporteer maar geen aanduiding kon gegee word van wanneer die geld beskikbaar sal wees vir onttrekking nie.

Sassa-personeel sal egter weer Woensdagoggend by die sysaal van die stadsaal wees, en is elke Donderdag ook in Tumahole om mense te help met die oorskakeling na die nuwe Sassa-kaart. Mense is aangeraai om indien hul steeds Woensdag probleme ervaar, navraag by hul naaste Sassa-kantoor te doen.