Rioolbesoedeling by ’n mangat by die Sandgat in Rotarylaan, is verlede Donderdag vir die soveelste keer weer gerapporteer nadat daar dié keer bloedwater opgemerk is wat uit die mangat stroom.
Die mangat was egter teen Maandagoggend droog, maar kon die pad wat die rioolwater na die Vaalrivier geloop het, nog duidelik gesien word.

Verstoppings wat die mangat laat oorloop, is volgens rekords van die Vaal Action Group (VAG) vanjaar ook op 5 Februarie, 16 Maart, 26 Maart, 5 Junie en 18 Junie gerapporteer.