Smullekker boerekos en opwindende speletjies vir die kinders was maar ‘n paar van die hoogtepunte by vanjaar se Boerekarnaval wat deur die Lewende Nuwe Generasie Kerk op Saterdag, 29 Oktober aangebied is.

Oud en jonk het die dag terdeë geniet.

Gaskunstenaars wat opgetree het, sluit in Gideon Hunter, Monique West, Cathy-Leigh Ras en Dawie Viljoen. Gideon in sy cowboy-klere was ook die aanbieder.

Ds Johan van der Merwe en sy span het baie moeite gedoen om dié dag iets besonders te maak. Daar was ‘n springkasteel vir die kinders, speletjies en die lekkerste boerekos.

Daar was natuurlik pannekoek, kerrie-en-rys, vleis en ‘n baie interessante sushi-tafel, jaffels, burgers en vele meer om aan te smul. Karin van Wyk en haar span wat uit lidmate van die kerk bestaan, het gesê, ”Ons kerrie-en-rys was ‘n wenner!“

Behalwe die vermaak en kos was daar ook blomme, groente en die mooiste muurversierings te koop.

Johan het gesê, “Al is dit so warm, is ons Boerekarnaval ‘n groot sukses. Al die geld uit die items, kos en vele meer wat verkoop word, gaan direk vir liefdadigheid. Ons is ‘n kerk van barmhartigheid.”

Do you perhaps have more information pertaining to this story? Email us at randfonteinherald@caxton.co.za (remember to include your contact details) or phone us on 011 693 3671.

For free daily local news on the West Rand, also visit our sister newspaper websites Roodepoort Record, Krugersdorp News and Get It Joburg West Magazine

Remember to visit our Facebook, Twitter and Instagram pages to let your voice be heard!