Familie is desperaat vir antwoorde en bied ‘n beloning van R40 000 aan vir enigiemand wat inligting het wat moontlik tot die arrestasie en uiteindelike skuldigbevinding van die moordenaar(s) van Jaco Billy Jooste kan lei.
Jooste se liggaam is op 30 Maart in Linda Court in Fredalaan met ‘n skietwond aan die onderlyf aangetref. Hy was 48 jaar oud toe hy vermoor is en die saak is deur die Randfontein Polisie ondersoek.
Lees oorspronklike storie hier:
Jooste was ‘n baie bekende gesig in Randfontein en sy dood was vir die hele gemeenskap ‘n groot skok. Volgens Duwayne Jooste, Jaco se broer, lê hy en sy vrou, Leana nagte wakker en wonder wat op daardie noodlottige aand gebeur het.
Jooste was ook een van twee mense wat daardie naweek vermoor is. Volgens die polisie is ‘n ander man se liggaam op Vrydag, 29 Maart in ‘n oop stuk veld agter die Randfontein-stortingsterrein gevind.
Lees ‘n eksklusiewe onderhoud met die familie asook wat die polisie te sê het in hierdie week se Herald.
Enigiemand met inligting in verband met die moord op Jaco Billy Jooste kan vir Duwayne by 073 790 0346 of vir Morne by 082 486 4238 kontak.
