Daar was reeds nege jaar gelede ‘n bos rose en die mooiste ring, maar weens omstandighede buite hul beheer het ‘n plaaslike paartjie nog nie tot trou gekom nie.

Tersia Putter, 31 en Charl van der Merwe, 31 het 11 jaar terug begin uitgaan en op 4 September 2014 het hy op sy een knie gestaan en sy beeldskone meisie gevra om met hom te trou. Hulle wil steeds trou, maar omstandighede maak dit vir hulle moeilik.

“In 2011 het my pa kanker gekry en ‘n maand nadat ons begin uitgaan het, op Charl se 21ste verjaarsdag, toe verloor ons my pa,” het sy vertel.

Dieselfde jaar in Desember is Charl se boetie in ‘n noodlottige motorfietsongeluk dood.

In ons eerste paar maande saam het ons klaar ons sewe sakke sout opgeëet. Al was dit in 2012 baie moeilik vir Charl om werk in Randfontein te kry het ons verhouding steeds sterk gestaan.”

Daar word gereeld vir hulle gevra wanneer hulle gaan trou, en hulle het besluit om in te skryf vir Makiti se Win a Wedding-kompetisie omdat die twee nog altyd daar wou trou.

Lees die volledige storie in volgende week se Herald (8 April).

Stem so vir Tersia en Charl:

Gaan na die skakel hier, klik op Tersia Putter en volg die nodige stappe:

Ons sê weereens baie dankie aan die Randfonteiners wat reeds vir ons gestem het; dit maak klaar vir ons ‘n groot verskil om te sien dat ons as dorp kan saamstaan en mekaar ondersteun,” het sy gesê.